اضحك مع مواقف الغشاشين ووسع صدرك

السلام عليكم ..

اليوم جايب لكم موضوع راح يضيف للمنتدى نوع من
الضحك "وتذكر الماضي"

ولكن أرجو مِن مَن يملك مشاركه بأن لا يبخل علينا بها مهما كانت ..
سواء كإضافه أو كنقد ..

>>لكن انتبهوا لا تجرحون مشاعرُه

إليكم الموضوع ...

نبي من كل واحد يذكر لنا ثلاث حاجات :

1 _ أول مره غشيت فيها بحياتك في أي مرحله دراسيه وكيف كانت

2 _ أطرف موقف غشّ مرّ بك ,, سواءً قمت بفعله أو شاهدت غيرك يقوم بفعله

3 _ أجرأ عملية غشّ قمت بها أو شاهدت غيرك يقوم بها

"أرجو من الجميع المشاركه على القدر المستطاع لخلق جو من المتعه والضحك وتذكر الماضي .. "

# اسمحوا لي (أول واحد بيشارك)

1

أول مره غشيت فيها بحياتي كانت في الصف الثالث المتوسط في مادة العلوم,,
ماحفظت زين ذاك اليوم والله

>>بدينا نتعذر من أوله

والله وانا أدخل بذيك البرشامه معي إلا ومن شين الحظ ويقعدّن المدرس قدّام أول واحد بالزاويه وهو فوق راسي

المهم إلا نص اللي بورقة الأسئله موجود بالبرشامه
(انقهرّت)
والله وأنا أخربه وأطلعه
وأدنق على ورقتي بكل ثقه
والبرشامه تحت على الطاوله قريبه من صدري,,
ونتف من البرشومه الصغيرونه إلا آخر حبه
وسلمت ورقة الأسئله
وكشرتي هالكبر هههههههه

2

بالنسبه لأطرف موقف غشّ مرّ علي
خخخخخخخخخخ
كنت بثالث ثانوي
وكان معانا واحد طوييييييييييييل مره
(طوله فوق 190 سم)
"لكن معروف كل طويل هبيل"

المهم كان مدخل برشامه طوييييله مثله
خخخخخخخخخخخ
باختبار الاحياء
>>من الضحك حتى حافظ الماده والله

وماأدري كيف طاحت البرشامه منه
ههههههههه
هو يشوفه يبي يشيله بس مايدري شلون
خخخخخخخخخ

المدرس كان فوق راسه
المهم رجع المدرس وراء ,,
إلا يدّ ذاك الولد ترتعد وتنزل تحت ,,
إلا على مدويرة المدرس لقدام
خخخخخخخخخخ

راح عنده وأخذ البرشامه
والضحك على تعليق المدرس
يقول
(ايش البرشامه هذي ,, أو عشانك طويل لازم تأخذ برشامه زييك ,, إنت أهبل ماتعرف تغشّ ,, البرشامه المفروض هالقد زي اللي مع خالد )

وخالد هذا كان صاحبه اللي جنبه
هههههههههه
وراح المدرس وأخذ البرشامه من خالد ,,
وأنا وكلّ الفصل وربي أنواع الضحك كل ماتذكرنا ذاك اليوم
ههههههههه

بس اتمنى تشوفون شكل الطويل ذاك اليوم
خخخخخخخخخ

>> ياهو شمّات

3

بالنسبه لأجرأ عملية غشّ ..

(قسم مواقف الغشّ اللي مرّت علي كثيره والله ,, لكن بقول موقف واحد هالمره)

هذا باختبار ال ENG101
الميد تيرم ,,

كنت جالس بالقاعه وماااش ماحليت شي
>>هذا اللي يقولك قاعد يقلب صوابره

المهم واللي جنبي كلهم من جنبه ,,
وبعد ما انتهى نصف الوقت
وقاموا طلاب من القاعه

والله وأنا أشوف لكم ذاك الدافور
حولي ,, لكن
(ماأقدر أشوف ورقته كان قدّام شوي)

ويمر من عندي الدكتور ماشي قدّام ,,
وأنا أقوم وأمشي وراه
وخطواتي نفس خطواته
عشان مايحس

(قلت إذا شافن كني بسلم الورقه)

والله وأنا أمشي وراه وأجلس لكم جنب الدافور
>>عاد الحين استانس

وأقوله اصبر لا تطلع ,,
ترى ماحليت شي
>>بدأ التمثيل

والله وهو يجلس هالذيب
وأنا نتف من ورقته
وأنا منزّل الشماغ على طرف وجهي

وابشركم بعد ماطلعت الدرجه

(B)

خخخخخخخخخ

يسلمووووووووو